रायरेश्वर ते राज्याभिषेक: शिवरायांचा प्रेरणादायी पोवाडा

 

सह्याद्रीत घुमणारी शिवगर्जना

राजा शिवछत्रपती पोवाडा: स्वराज्याच्या सिंहगर्जनेची कहाणी

माजले असुर काळाला l त्रासली रयत अत्याचाराला l 

त्राता सकलांचा जन्मला l सोळाशे तीस सालाला l 

करू मुजरा शिवाजी राजाला ll जी जी ll

जमवून सर्व मावळ्यांना l सांगे हेतू मनातला l 

घेतली शपथ रायरेश्वर मंदिरा l घुमली गर्जना सह्याद्रीला l 

सज्ज स्वराज्य स्थापनेला ll जी जी ll

शाहिस्ता घाबरून पळाला l मारले अफझल खानाला l 

स्मरून गनिमी काव्याला l धाडिले कित्येक नरकाला l 

दाविला हिसका औरंग्याला ll जी जी ll 

सोळाशे चौऱ्याहत्तर सालाला l राज्याभिषेक होई राजाला l 

करी मुजरा पोर्तुगीज टोपीवाला l मिळे राजाधिराज आम्हाला l 

सांगू गर्जून साऱ्या जगताला ll जी जी ll

राष्ट्रपती तो व्हिएतनामचा l येई राजधानी दिल्लीला l 

राजांची प्रेरणा आम्हाला l लावी कपाळी मातीला l 

स्मरून आमच्या राजाला ll जी जी ll

धडपडे महात्मा जोतिबा l शोधण्या समाधी राजांची l 

गाऊन पोवाडा महाराजांचा l पेटवी स्फुल्लिंग जगताला l 

कुलवाडीभूषण म्हणे राजाला ll जी जी ll 

 @ सदानंद पुंडपाळ,  मोब-9404968829

#ShivajiMaharaj #ShivChhatrapati #Swarajya #MarathaHistory #ShivGarjana #Powada #Maharashtra #Rayreshwar #AfzalKhanVadh #Rajyabhishek #HindaviSwarajya #JayShivray

छत्रपती शिवाजी महाराज, शिवछत्रपती पोवाडा, स्वराज्य स्थापना, रायरेश्वर शपथ, अफझलखान वध, राज्याभिषेक 1674, गनिमी कावा, महाराष्ट्र इतिहास, शिवगर्जना, मराठी पोवाडा