Pimpri Chinchwad Moshi Garbage Depot Collapse Live Updates

पिंपरी-चिंचवड मोशी कचरा डेपो दुर्घटनास्थळी अत्याधुनिक मशिन्सद्वारे ढिगारा हटवून कामगारांचा शोध घेताना NDRF आणि अग्निशामक दलाचे जवान.

मोशी दुर्घटना: 55 तास, 8 जीव!
ढिगाऱ्याखाली नेमके कोण अडकले?

काळजाचा ठोका चुकवणारी बातमी! तब्बल 55 तास उलटले... कचऱ्याचा अवाढव्य डोंगर कोसळला आणि एका क्षणात सगळं उद्ध्वस्त झालं! ढिगाऱ्याखाली 8 जीव अडकलेत, मृत्यूशी झुंज सुरू आहे आणि बाहेर नातेवाईकांचा काळजाला पीळ पाडणारा आक्रोश सुरू आहे! काय घडतंय मोशीत? वाचा त्याचा खास रिपोर्ट...

#MoshiAccident #PimpriChinchwad #NDRF #MoshiGarbageDepot #BreakingNews #MaharashtraNews #RescueOperation

"हा केवळ कचऱ्याचा डोंगर कोसळलेला नाही, तर प्रशासकीय निष्काळजीपणाचा ढिगारा निष्पापांच्या जीवावर उठला आहे. कचरा डेपोच्या परिसरात इमारत उभी राहतेच कशी, हा आता व्यवस्थेला विचारलेला सर्वात मोठा प्रश्न आहे.

पिंपरी-चिंचवडमधील मोशी कचरा डेपो... जिथे गेल्या चार दिवसांपासून मृत्यूचं तांडव सुरू आहे. कचऱ्याचा डोंगर काय कोसळतो... आणि एक अख्खी इमारत त्यात गाडली काय जाते! या भीषण दुर्घटनेला आता तब्बल 55 तासांपेक्षा जास्त वेळ उलटून गेला आहे. पण अजूनही ढिगाऱ्याखाली दबलेल्या 8 कामगारांचा शोध लागलेला नाही. वेळ सरकतेय, तशी श्वास रोखला जात आहे.

बुधवारी 9 जणांना सुखरूप बाहेर काढण्यात यश आलं. गुरुवारी एकाचा मृतदेह हाती लागला. पण त्यानंतर... त्यानंतर गेल्या 33 तासांत यंत्रणांच्या हाती फक्त निराशा आली आहे. महेश कुंभार, सनी माने, राहुल गायकवाड, सुनील कोरके, अक्षय सावंत, रणजित पाटील, नागेश गायकवाड आणि वामन कसबे... हे ते 8 चेहरे आहेत, ज्यांच्यासाठी मोशीच्या या ढिगाऱ्यावर युद्धपातळीवर बचावकार्य सुरू आहे.

परिस्थिती अत्यंत कठीण आहे. इमारतीचा समोरचा मुख्य रस्ता पूर्णपणे बंद झालाय. अशातच, एनडीआरएफच्या जवानांनी एक नवा मास्टरप्लॅन तयार केला. ज्या 9 कामगारांना सुखरूप वाचवण्यात आलं होतं, त्यांच्याकडून आतल्या परिस्थितीची माहिती घेण्यात आली. 'आतले नागरिक नेमके कुठे अडकले असू शकतात?' याचा अंदाज घेण्यात आला. आणि मग... NDRF ने थेट दुर्घटनाग्रस्त इमारतीचा काँक्रिटचा भाग फोडायला सुरुवात केली! मागच्या बाजूने सुरक्षित मार्ग तयार करण्यासाठी अत्याधुनिक डिमोलीशन एक्सकॅव्हेटर मशिन्स मैदानात उतरवण्यात आल्या आहेत.

मुलांसाठी खास आकर्षण... आजच भेट द्या

https://link.amazon/B01kTs5Sm

पण तिथे बाहेर... कचरा डेपोच्या मुख्य गेटवर परिस्थिती हाताबाहेर चालली आहे. प्रत्येक सेकंदाला नातेवाईकांच्या चेहऱ्यावरची भीती वाढते आहे. आतून येणाऱ्या प्रत्येक शासकीय गाडीकडे हे डोळे आशेने धावत सुटतात. 'आमचा माणूस कसा आहे? आम्हाला आमचा माणूस पाहू द्या!' हा एकच टाहो मोशीच्या हवेत घुमतोय. 'प्रशासनाचं काम सुरू आहे, इतके तास झाले एकही माणूस बाहेर काढला नाही,' हा नातेवाईकांचा संताप यंत्रणांना निरुत्तर करत आहे.

महापौर रवी लांडगे आणि आयुक्त डॉ. विजय सूर्यवंशी नातेवाईकांना धीर देण्याचा प्रयत्न करत आहेत. पण या दुर्घटनेने आता राजकीय वळणही घेतलं आहे. माजी खासदार प्रकाश आंबेडकर यांनी घटनास्थळी भेट देऊन प्रशासनाला थेट धारेवर धरलं. "कचरा डेपो परिसरात इमारत कशी उभी राहू शकते? ठेकेदार दोषी आहे! आणि या शहरात विरोधी पक्ष जिवंत आहे का?" असा सणसणीत सवाल त्यांनी उपस्थित केलाय.

जोपर्यंत शेवटचा माणूस ढिगाऱ्याखालून बाहेर येत नाही, तोपर्यंत मोशीतील हे मृत्यूचे थरारनाट्य थांबणार नाही.

कचऱ्याचा डोंगर कोसळला की प्रशासनाचा भ्रष्टाचार? उत्तर 8 जीवांच्या बदल्यात मिळणार का?

"55 तासांचा थरार, मशिन्सचा अवाढव्य आवाज, पण त्याहून मोठा आहे गाडल्या गेलेल्या स्वप्नांचा आक्रोश!

मोशी कचरा डेपोतल्या त्या ढिगाऱ्याखाली फक्त 8 कामगार अडकलेले नाहीत, तर 8 कुटुंबीयांचे संसार अडकलेत. प्रत्येक सरकता सेकंद काळजाची धडधड वाढवणारा आहे. यंत्रणा शर्थीचे प्रयत्न करत आहेत, पण काळ धावून आलाय की वेळ, याचं उत्तर अद्याप सापडलेले नाही. 

मोशी कचरा डेपो दुर्घटना, पिंपरी चिंचवड बातमी, NDRF रेस्क्यू ऑपरेशन, विजय सूर्यवंशी, मोशी इमारत कोसळली, Moshi Garbage Depot Accident, Pimpri Chinchwad News, NDRF Rescue.