Chanakya Niti : सापापेक्षा विषारी असतात हे लोक, चाणक्य नीतीचा कडक इशारा!

साप एकाच वेळी दंश करतो, पण दुष्ट माणूस पावलापावलावर विष ओकतो - आचार्य चाणक्य.

सापापेक्षा विषारी लोक; वेळीच व्हा दूर!

"साप चावला तर नशीब असेल तर वाचाल... पण 'हे' लोक जिवंतपणी तुमचं आयुष्य नरक बनवतील! कोण आहेत हे सापापेक्षाही भयंकर लोक? वाचा आचार्य चाणक्यांचा हा कडक इशारा

#ChanakyaNiti #MarathiNews #LifeTips #ChanakyaQuotes #NewsValleyMarathi #Suvichar #MotivationalMarathi #StayPositive

साप विषारी असतो हे आपण सगळेच जाणतो. पण आचार्य चाणक्य सांगतात की, या जगात सापापेक्षाही करोडो पटीने विषारी आणि धोकादायक काही लोक आपल्याच अवतीभवती वावरत असतात. आपण ज्यांना आपले समजतो, मित्र मानतो, तेच कधी कधी काळ बनून पाठीमागून वार करतात. अशा लोकांपासून दूर राहण्यातच माणसाचं कल्याण असतं.

आचार्य चाणक्यांनी त्यांच्या नीतिसूत्रांमध्ये अगदी स्पष्ट शब्दांत सांगितले आहे की, काही लोक सापांपेक्षाही जास्त धोकादायक असतात. साप दंश करून एकदाच आपले काम पूर्ण करतो, पण हे लोक प्रत्येक पावलापावलावर तुम्हाला त्रास देत राहतात. अशा लोकांपासून दूर राहणे का महत्त्वाचे आहे, हे आपण चाणक्यनीतीच्या या महत्त्वाच्या श्लोकांमधून समजून घेऊया.

दुष्टापेक्षा साप बरा का? यावर आचार्य चाणक्य म्हणतात:

दुर्जनेषु च सर्पेषु वरं सर्पो ना दुर्जनः।

सर्पो दंशति कालेन दुर्जनस्तु पदे-पदे।।

याचा सरळ अर्थ असा, की दुष्ट माणूस आणि साप या दोघांमध्ये साप जास्त चांगला. कारण साप फक्त त्याचा काळ आला, किंवा त्याला त्रास दिला तरच चावतो. पण दुष्ट आणि कपटी माणूस तुमच्या आयुष्यात प्रत्येक पावलावर, प्रत्येक क्षणाला दंश मारत असतो. हे लोक आधी गोड बोलून तुमचा विश्वास जिंकतात. तुमची गुपितं जाणून घेतात, तुमच्या कमकुवतपणा ओळखतात आणि ऐन वेळी नेमका तिथेच घाव घालतात. तुमच्याच ताटात खायचं आणि तुमच्याच पाठीत खंजीर खुपसायचा, हा अशा लोकांचा धंदा असतो.

तुम्हाला पुढे जाताना पाहणं, तुमचं यश आणि तुमचा आनंद सहन करणं यांच्या पाचवीलाच पुजलेलं नसतं. समोरून कौतुक करायचं आणि पाठीमागून पाय खेचायचे, यात हे पटाईत असतात. म्हणूनच चाणक्य बजावून सांगतात की, अशा लोकांशी मैत्री करणं म्हणजे स्वतःच्या पायावर धोंडा पाडून घेण्यासारखं आहे.

पुढच्या श्लोकात चाणक्य अशा लोकांची संगत किती घातक ठरू शकते, हे सांगताना म्हणतात:

दुराचारी च दुर्दृष्टिर्दुराऽऽवासी च दुर्जनः।

यन्मैत्री क्रियते पुम्भिर्नरः शीघ्र विनश्यति।।

ज्या माणसाचं वर्तन वाईट आहे, ज्याची नजर पापयुक्त आहे आणि ज्याचा हेतू कायम दुष्ट असतो, अशा माणसाची सोबत तुमचा तात्काळ नाश करू शकते. हे लोक स्वतः तर डबक्यात राहतातच, पण तुम्हालाही त्या चिखलात ओढतात. तुमची चांगली कामं, तुमची समाजातली प्रतिष्ठा आणि तुमची सुंदर नाती उद्ध्वस्त करायला यांना वेळ लागत नाही. अशा लोकांच्या संगतीत राहिलं की तुमच्यातही नकळत नकारात्मकता येऊ लागते.

जाहिरात

हेडलाईन्स लिहायला शिकायच्या आहेत. पत्रकारितेत पदार्पण करणाऱ्या प्रत्येकासाठी

आर्ट ऑफ पॉवरफुल हेडलाईन्स

मराठी

https://superprofile.bio/vp/the-art-of-headlines-marathi

इंग्रजी

https://superprofile.bio/vp/the-art-of-powrfull-headlines-pdf

हिंदी

https://superprofile.bio/vp/your-payment-page-title-here-740-225

कुराजराज्येन कुतः प्रजासुखं कुमित्रमित्रेण कुतोऽभिनिवृत्तिः।

कुदारदारैश्च कुतो गृहे रतिः कृशिष्यमध्यापयतः कुतो यशः।।

याचाच अर्थ, वाईट राजाच्या राज्यात जनता कधीच सुखी होऊ शकत नाही. त्याचप्रमाणे, खोट्या आणि कपटी मित्रांच्या संगतीत राहून तुम्हाला आयुष्यात कधीच सुख-शांती लाभणार नाही. वाईट जोडीदारासोबत घरात आनंद उरत नाही आणि चुकीच्या शिष्याला शिकवून शिक्षकाला कधीच यश मिळत नाही.

आजच्या सोशल मीडिया आणि ऑफिस पॉलिटिक्सच्या काळात तर हे श्लोक 100 टक्के तंतोतंत लागू होतात. चेहऱ्यावर मुखवटा लावून फिरणारे हे 'आस्तीन के साप' ओळखायला शिका.

संकटात साथ देणारा माणूस देवमाणूस, पण संकटाची वाट पाहणारा माणूस हा सापापेक्षाही भयंकर असतो. नात्यांमधली गर्दी वाढवण्यापेक्षा, ती नाती शुद्ध ठेवणे कधीही उत्तम.

ज्याप्रमाणे विषारी सापाला घरात थारा दिला जात नाही, त्याचप्रमाणे अशा कपटी लोकांना आयुष्यात जागा देऊ नका. खोट्या नात्यांचे मुखवटे वेळीच ओढा आणि सुखी, शांत आयुष्याची सुरुवात करा. आजच या विषारी संगतीला कायमचा 'रामराम' ठोका.

नातेसंबंधात विष कालवणाऱ्या या लोकांपासून आजच चार हात लांब राहा. कारण स्वतःचा बचाव करणे हेच खऱ्या सुखी जीवनाचं गुपित आहे. 

सापाचं विष फक्त शरीरात भिनतं,

पण दुष्टाचं विष संपूर्ण आयुष्य संपवतं!

Chanakya Niti Marathi, सापापेक्षा विषारी लोक, चाणक्य नीती, सुखी जीवन, वाईट मित्र, Chanakya quotes on life, दुर्जन माणूस, News Valley Marathi. 

आडिवरे टाइम्स यूट्यूब चॅनेलला पाहण्यासाठी क्लिक करा

माहिती आवडली असेल तर नक्की कळवा.. आणि अशाच नवनवीन माहितीसाठी आडिवरे टाइम्सच्या पेजला लाईक करा, शेअर आणि सबस्क्राइब करायला विसरू नका. धन्यवाद.