अनाथ विद्यार्थ्यांना शालेय आणि जीवनावश्यक वस्तूंचे वाटप

'मायेची सावली एक हात कर्तव्याचा' या संस्थेचा पुढाकार 

संदीप शेमणकर 

मुंबई - सामाजिक, आरोग्य आणि शैक्षणिक, पर्यावरण इत्यादी क्षेत्रांत कार्यरत असलेल्या शिवसेना हिंदुहृदयसम्राट शिवसेनाप्रमुख बाळासाहेब ठाकरे यांच्या विचारांनी प्रेरित होऊन 80 टक्के समाजकारण 20 टक्के राजकारण हेच उद्दिष्ट डोळ्यासमोर ठेवून,शिवसेना पक्षप्रमुख उद्धव बाळासाहेब ठाकरे,युवासेनाप्रमुख आदित्य ठाकरे यांच्या मार्गदर्शनाखाली गुढीपाडवा आणि भारतरत्न डॉ.बाबासाहेब आंबेडकर यांच्या १३४ व्या जयंतीनिमित मायेची सावली एक हात कर्तव्याचा (महाराष्ट्र राज्य) परिवाराच्या वतीने ३५ वा उपक्रम राबवण्यात आला.

कर्ज मिळत नाही, टेन्शन नको, येथे भेट द्या

मायेची सावली एक हात कर्तव्याचा या संस्थेतर्फे पुणतांबा येथील मेथडिस्ट होमच्या अनाथ विद्यार्थ्यांना शालेय वस्तू तसेच  वॉशिंग मशीन,जीवनावश्यक वस्तूंचे वाटप करण्यात आले. यावेळी प्रमुख पाहुणे म्हणून शिर्डी लोकसभा मतदारसंघाचे खासदार भाऊसाहेब वाकचौरे,गोंडेगावचे माजी सरपंच संभाजीराजे बढे उपस्थित होते. त्यांच्या हस्ते मुलांना साहित्यवाटप करण्यात आले. यावेळी शिवसेना नेते सुहास वहाडणे, पुणतांबा शिवसेना शहरप्रमुख महेश कुलकर्णी, बबलू कुलकर्णी उपस्थित होते. मायेची सावली परिवार संस्थापक अध्यक्ष यशवंत खोपकर तसेच त्यांचे सर्व सहकारी शिवसैनिक बंधू भगिनी यांच्या अथक प्रयत्नातून अशा सामाजिक कार्यक्रमाचे आयोजन करण्यात येते. पुणतांबा येथील मेथडिस्ट चर्च‌मधील फादर जॉन प्रिंटर यांच्या उपस्थितीत बाल गोपाल अनाथ आश्रम येथे सर्व वस्तूंचे वाटप करण्यात आले. खासदार वाकचौरे यांनी या उपक्रमाचे कौतुक करत पुणतांबा शहर शिवसेनेचे आणि मायेची सावली परिवाराचे कौतुक केले. आपण भविष्यात या अशा प्रकारचे कार्यक्रम मोठ्या प्रमाणावर आयोजित करु,या सेवेत मी सदैव आपले पाठीशी राहीन, असेही त्यांनी सांगितले.

एक्स्ट्रा इन्कम हवी तर येथे भेट द्या

यशवंत खोपकर - मायेची सावली एक हात कर्तव्याचा, संस्थापक अध्यक्ष,संदिप चादिवडे -सचिव, दौलत बेल्हेकर - संचालक, वसंत घडशी - कार्यालय प्रमुख, विश्वनाथ जाधव, वैभव डोके, मेघा सावंत, निर्मला आवटे, रूपाली डोके, अपूर्वा पारकर, राजेंद्र पेडणेकर, राजेंद्र मणसुख, दत्तात्रय काशिद,अर्णव सावंत, अर्णव खोपकर, लिखित डोके यांच्यासह अन्य मायेची सावलीचे पदाधिकारी, सदस्य, सभासद, हितचिंतक उपस्थित होते. तसेच मायेची सावली पदाधिकारी या सर्वांचा खासदार वाकचौरे यांच्या हस्ते  संस्थेचे संस्थापक यशवंत खोपकर, संदीप चांदिवडे तसेच पदाधिकारी या सर्वांचा शाल देऊन सत्कार केला  आणि सर्व पदाधिकाऱ्यांचे आभार मानले.