congress avinash lad : अविनाश लाडांचा शेतकरी कुटुंबाला मदतीचा हात

- संदीप शेमणकर

लांजा - लांजा तालुक्यातील खानवली, कालकरवाडी येथील ग्रामस्थ कृष्णा गोविंद कालकर यांच्या घराचे वादळी वाऱ्याने नुकसान झाले होते. याची माहिती मिळताच  जिल्हा काँग्रेस अध्यक्ष अविनाश लाड यांनी घटनस्थळली भेट दिली आणि कालकर यांना आर्थिक मदतीचा हात पुढे केला.

यावेळी काँग्रेस तालुका अध्यक्ष श्रीकृष्ण हेगिष्टे, उपतालुका अध्यक्ष विलास चौगुले, अल्पसंख्याक तालुका अध्यक्ष महमूद पावसकर, प्रथमेश गोरे, समीर दुकले आदी ग्रामस्थ आणि पदाधिकारी तसेच काँग्रेस कार्यकर्ते उपस्थित होते. 

रत्नागिरी काँग्रेसचे जिल्हाध्यक्ष तसेच नवी मुंबई महानगरपालिकेचे माजी महापौर अविनाश लाड हे शेतकरी घरातून राजकारणात आले असल्याने त्यांना शेतकरी, कष्टकरी, गोरगरीब वर्गाबद्दल कायमच कळवळा राहिलेला आहे.  कोरोना महामारीमध्येही त्यांनी लांजा-राजापूर-साखरपा मतदारसंघात मास्कवाटप, धान्य आणि जीवनावश्यक वस्तूंचे वाटप केले होते. मुंबई येथून डॉक्टरांची विशेष टीमदेखील मतदारसंघात आणून रुग्णसेवा केली होती. मतदारसंघातील ग्रामीण भागाचा विकास व्हावा यासाठी अविनाश लाड सतत प्रयत्नशील असतात. नवी मुंबई महापालिकेत नगरसेवक आणि उपमहापौर म्हणून कार्यरत असताना त्यांनी राजापूर-लांजा-साखरपा या ग्रामीण भागाशी नाळ तुटू दिली नाही, अशी भावना ग्रामस्थांमध्ये आहे.