blood donation : अजिंक्य सार्वजनिक सेवा मंडळाकडून रक्तदान शिबिर

blood donation :  अजिंक्य सार्वजनिक सेवा मंडळाकडून रक्तदान शिबिर आयोजित

नालासोपारा - नालासोपारा समेळगाव येथिल अजिंक्य सार्वजनिक सेवा मंडळाच्या वतीने आणि कै. रोहन प्रवीण खेडेकर यांच्या स्मृतिप्रीत्यर्थ रविवार दिनांक १६ जून २०२४ रोजी रक्तदान आणि आरोग्य तपासणी शिबिराचे आयोजन करण्यात आले होते. शिबिरास नगरसेवक धनंजय गावडे व महिला शहरप्रमुख रुचिता नाईक यांनी भेट देऊन रक्तदात्यांना प्रमाणपत्र दिले.

केवळ गणेशोत्सवात नव्हे, तर वर्षभर कार्यरत असणारे मंडळ ही ओळख अजिंक्य  मंडळाने जोपासली आहे. अजिंक्य सार्वजनिक सेवा मंडळ यंदा २५ व्या सुवर्णमहोत्सवी वर्षात पदार्पण करत आहे. गणेशोत्सव नवरात्र  उत्सवाबरोबरच सामाजिक क्षेत्रात आपला वेगळा ठसा या मंडळाने उमटवला आहे. अजिंक्य सार्वजनिक सेवा मंडळ हे सामाजिक, धार्मिक, शैक्षणिक,  क्रीडा क्षेत्रात विविध उपक्रम राबवत असते. मंडळ दरवर्षी जमेल ती रक्कम सामाजिक उपक्रमांसाठी देते. मिळलेल्या रकमेतून समाजोपयोगी कार्य हे अजिंक्य मंडळ करत असते.परिसरातील नागरिकांसाठी आरोग्य शिबिर, रक्तदान शिबिर, नेत्रतपासणी शिबिर, आधारकार्ड शिबिर आदी कार्यक्रम  मंडळ राबवत असते.

अजिंक्य सार्वजनिक मंडळाचे नावलौकिक दिवसेंदिवस वाढत असून सर्वस्तरावर कौतुक व्हावे हिच सदिच्छा व शुभेच्छा नगरसेवक धनंजय गावडे व महिला शहरप्रमुख रुचिता नाईक यांनी दिली. यावेळी मंडळाचे रूपेश चव्हाण, तुषार नेवरेकर, सचिन मोरे आणि मंडळाचे सर्व पदाधिकारी कार्यकर्ते उपस्थित होते.