माजी विद्यार्थ्यांचा मेळावा, जल्लोषात सोहळा

पूर्ण प्राथमिक मराठी आदर्श शाळा मोगरेचा 
माजी विद्यार्थी मेळावा २०२४ जल्लोषात

राजापूर -  राजापूर तालुक्यातील आडिवरे परिसरातील पंचक्रोशी मौजे मोगरे येथील पूर्ण प्राथमिक मराठी आदर्श शाळा मोगरे या शाळेने अनेक विद्यार्थी घडवले. डॉ.वकील, इंजिनियर, व्यावसायिक, सरकारी अधिकारी, शिक्षक, नर्स, पत्रकारिता या क्षेत्रात विद्यार्थी चमकले आहेत. 

राजकीय क्षेत्रात अग्रेसर असलेले विद्यार्थी असे अनेक मोगरे  शाळेचे विद्यार्थी नावा रूपास आले. अशा या शाळेचा माजी विद्यार्थी मेळावा  १० मे २०२४ रोजी मोगरे शाळा सभागृह येथे जल्लोषात संपन्न झाला.  शाळेच्या मुख्याध्यापिका कुंभारबाई, पाटील गुरुजी, नाईक गुरुजी तसेच माजी सरपंच वामन साखरकर, उपसरपंच राजाराम नाचणेकर, मोगरे विकास मंडळ अध्यक्ष काशिनाथ सातोपे, सचिव चंद्रकांत साखरकर, गावकार चव्हाण, शिवगण, नाचणेकर आणि शाळेचे माजी विद्यार्थी ग्रामस्थ मोठ्या संख्येने उपस्थित होते. शाळेचे माजी विद्यार्थी आणि दैनिक रायगड स्वाभिमान वृत्तपत्राचे कार्यकारी संपादक संदीप शेमणकर यांच्या प्रयत्नाने शिवसेना उद्धव ठाकरे प्रणित मायेची सावली एक हात कर्तव्याचा या संस्थेच्या वतीने छत्रपती शिवाजी महाराज यांची मूर्ती शाळेस भेट देण्यात आली. 

तसेच शाळेचे माजी विद्यार्थी सुनील शिवगण उपशाखा प्रमुख नालासोपारा यांच्याकडून शाळेला 15 खुर्च्या भेट देण्यात आल्या. माजी विद्यार्थी पत्रकार संदीप शेमणकर याजंकडून शिक्षकांचा सत्कार करण्यात आला. या मेळावा सोहळ्यासाठी शाळेतील आजी, माजी विद्यार्थी गावातील ग्रामस्थ मोठ्या संख्येने उपस्थित होते.