नवलाई देवीच्या मंदिराचा कलशारोहण सोहळा

स्वामी उल्हासगिरी महाराजांची प्रमुख उपस्थिती

राजापूर - राजापूर तालुक्यातील शेढे  गावातील नवलाई देवीच्या नूतन मंदिराचे कलशारोहण सोहळा ओणी आश्रमाचे स्वामी उल्हासगिरी महाराज यांचे हस्ते झाला. मंदिराचे संपूर्ण नूतनीकरण झाल्यावर आयोजित करण्यात आलेल्या कार्यक्रमात स्वामी  उल्हासगिरी महाराजांना आभारपत्र  देऊन सन्मानित करण्यात आले. याप्रसंगी श्री नवलाई देवी मंदिरात भजन, पूजन, नामस्मरण आणि प्रवचन आदी धार्मिक कार्यक्रम मोठ्या प्रमाणावर आयोजित करण्यात आले होते. यावेळी सर्वाना महाप्रसाद देण्यात आला.