Team India Victory Parade : मरिन ड्राईव्हपासून ‘व्हिक्टरी परेड’ला सुरुवात, क्रिकेटचाहत्यांचा अभूतपूर्व प्रतिसाद

photo source - www.loksatta.com

Team India Victory Parade : 

मरिन ड्राईव्हपासून ‘व्हिक्टरी परेड’ला सुरुवात,

क्रिकेटचाहत्यांचा अभूतपूर्व प्रतिसाद

मुंबई - Team India T20 World Cup Victory Parade Rally from Marine Drive to Wankhede Stadium Live Updates: भारतीय टी-२० विश्वचषक विजेता संघ आज भारतात परतला आहे. २९ जून रोजी झालेल्या विजेतेपदाच्या लढतीत दक्षिण आफ्रिकेचा ७ धावांनी पराभव करत भारताने १७ वर्षांनंतर टी-२० विश्वचषकाचे जेतेपद पटकावले. या विजयानंतर भारतीय संघ वादळामुळे काही दिवस बार्बाडोसमध्ये अडकला होता. बीसीसीआय आणि बीसीसीआयचे सचिव जय शाह यांच्या सर्वोत्तम प्रयत्नांमुळे भारतीय संघ चार्टर्ड फ्लॅटद्वारे आज दिल्लीत पोहोचला. टीम इंडियाचे मोठ्या उत्साहात स्वागत होत आहे आहे. दिल्लीत पोहोचल्यानंतर भारतीय संघाचे वेळापत्रक निश्चित झाले आहे. प्रथम संघ दिल्लीत पंतप्रधान नरेंद्र मोदी यांची भेट घेणार आहे. यानंतर रोहित शर्मा आणि संपूर्ण संघ मुंबईला रवाना होतील. संध्याकाळी ५ वाजल्यापासून मुंबईत रोड शो होणार असून, त्यानंतर मुंबईतील प्रसिद्ध वानखेडे स्टेडियमवर हा संघ या विजयाचा जल्लोष करणार असून तिथे त्यांना सन्मानित करण्यात येणार आहे.

बघा, घ्या आणि खेळा

बीसीसीआयने मानले चाहत्यांचे आभार

बीसीसीआयने सोशल मीडियावर एक व्हिडीओ शेअर केला असून संघाला सतत पाठिंबा दिल्याबद्दल चाहत्यांचे आभार मानले आहेत. व्हिडिओमध्ये मरीन ड्राइव्हवर चाहत्यांची मोठी गर्दी दिसत आहे.

करा प्रॅक्टिस

विजय मिरवणुकीतील क्षण कॅमेऱ्यात टिपण्यासाठी चाहत्यांची लगबग

विजय मिरवणुकीत भारतीय संघाचे सदस्य हा क्षण आपल्या कॅमेऱ्यात कैद करताना दिसले. दुसरीकडे, रस्त्याच्या दुतर्फा मोठ्या संख्येने उपस्थित असलेले चाहते देखील खेळाडूंची एक झलक पाहण्यासाठी आतुर झाले आहेत आणि ते क्षण त्यांच्या फोनवर टिपत आहेत. यादरम्यान विराट कोहली, हार्दिक पांड्या आणि मोहम्मद सिराज चाहत्यांना चीअर करत आहेत. source- www.loksatta.com