ladki bahin : हजारो महिलांना फॉर्मवाटप

नालासोपारा -  नालासोपारातील हजारो महिलांना मुख्यमंत्री माझी लाडकी बहीण योजनेचे शिंदेंच्या शिवसेनेचे शिवसेना महिला शहरप्रमुख रुचिता नाईक यांच्या हस्ते २ जुलै रोजी फॉर्म वाटप करण्यात आले.

मुख्यमंत्री एकनाथ शिंदे यांनी राज्याच्या विकासात महिलांना विशेष स्थान दिले आहे. महिला भगिनींच्या आर्थिक सक्षमीकरणासाठी मुख्यमंत्री माझी लाडकी बहीण योजनेच्या माध्यमातून महिलांना सन्मान दिला आहे. नारीशक्तीच्या विकासाला प्राधान्य देणारा दुर्बल, अतिदुर्बल आर्थिक स्थितीतल्या महिलांनाही आत्मसन्मानाने जगता यावे आणि त्या ताईला स्वतःचे काही तरी आर्थिक उत्पन्न असावे जेणेकरून ती स्वयंपूर्णतेच्या दिशेने वाटचाल करू शकेल, या हेतूने "लाडकी बहीण योजना"  नुकतीच लागू केली आहे. 

आवड जपा

यावेळी शिवसेना महिला शहर प्रमुख रुचिता नाईक यांनी त्या योजनेची विशेषता काय आहेत, त्यात कोण अर्ज भरू शकते, ऑफलाईन फॉर्म आणि ऑनलाईन फॉर्म कसा भरायचा, याबाबत महिलांना मार्गदर्शन केले. तसेच अधिवास दाखला आणि उत्पन्नाचा दाखला काढण्यासाठी येणारी अडचण दूर कशी करता येईल याविषयी विशेष मार्गदर्शन आणि सहकार्य रुचिता नाईक करणार आहेत.

जाहिरात - अभिज्ञान अकादमी