rotary club : सामाजिक उपक्रमात हातभार; शैक्षणिक साहित्यरूपी भेट

  - संदीप शेमणकर

रत्नागिरी - रत्नागिरी येथील ग्रामीण भागातील जिल्हा परिषद पूर्ण प्राथमिक शाळा सोमेश्वर येथे आणि उर्दू शाळेमध्ये रोटरीतर्फे शैक्षणिक साहित्य वाटप करण्यात आले.  

शाळेमध्ये मुलांच्या बौद्धिक विकासासाठी उपयुक्त असे  मुलांमधील चौकस बुद्धी जागृत करतील असे काही तक्ते तसेच इतर शालेय उपयुक्त साहित्य रोटरीतर्फे शाळेला देण्यात आले.

शहरी भागातील मुलांना अतिरिक्त असे बरेच साहित्य उपलब्ध असते, मात्र ग्रामीण भागांतील शाळांमध्ये अशा प्रकारच्या साहित्याची निधीअभावी थोडी वानवा असते.

बॅग असावी तर अशी

शाळेतील शिक्षक मुलांना सर्व दृष्टीने या स्पर्धात्मक युगात तयार करण्यात प्रयत्नशील आहेत. मात्र त्यांना साथ देण्यासाठी कोणीतरी पुढे येण्याची गरज आहे हे ओळखून रोटरी प्रेसिडेंट रुपेश पेडणेकर यांनी दोन शाळांना शैक्षणिक साहित्यरूपी भेट दिली . याच आनंदाच्या वातावरणात शाळेतील एका मुलाचा वाढदिवस साजरा करण्यात आला. 

तसेच मुलांना झाडे लावण्याचे आणि जपण्याचे महत्त्व कृतीतून जाणवून देण्यासाठी शाळेच्या आवारात वृक्षारोपण करण्यात आले.  काळाची गरज ओळखत रोटरी क्लब रत्नागिरीच्या महिला आघाडीने या दोन्ही शाळांमधील मुलींचे 'मासिक पाळी नियोजन व आरोग्य' या विषयावर वेगळे समुपदेशिक असे मैत्रीपूर्ण सत्र घेतले. यामध्ये मुलींच्या शारीरिक आरोग्यासोबतच मानसिक आरोग्याचीही काळजी घेण्यात आली. काळाची गरज ओळखत , मुलींशी मैत्रीपूर्ण संवाद साधत खेळीमेळीने झालेल्या या सत्राच्या शेवटी मुलींना सॅनिटरी पॅड वाटप करण्यात आले. सोमेश्वर शांतिपीठ येथेही रोटरीने भेट देऊन तेथे होऊ घातलेली गोशाळा, योग केंद्र, वृद्धाश्रम यांची माहिती घेत येथेही वृक्षारोपणाचा कार्यक्रम केला.

आवडनिवड

या वृक्षारोपण कार्यक्रमाचे वैशिष्ट्य म्हणजे निवृत्त कृषी अधिकारी डॉ. दिलीप नागवेकर यांच्या उपस्थितीत रोटरी अध्यक्ष रुपेश पेडणेकर यांनी वटवृक्षाची पूजा करून नंतर वृक्षारोपणाचा कार्यक्रम सुरू केला.

तसेच आपल्या रत्नागिरीत निर्माण होत असलेल्या या अतिशय सुंदर प्रकल्पाला नेहमीच रोटरीकडून काही न काही मदत होत राहील, असे आश्वासन सोमेश्वर शांतीपीठ संस्थेचे अध्यक्ष  संतोष आयरे, विश्वस्त रवीद्र इनामदार प्रा.अशोक पाटील, प्रकाश मुळ्ये, रहाटे यांना दिले आणि या प्रकल्पाचे कौतुक केले. 

जाहिरात -अभिज्ञान अकादमी

यावेळी कृषी अधिकारी डॉक्टर दिलीप नागवेकर जातिनिशी हजर होते. अध्यक्ष रूपेश पेडणेकर, सचिव ॲड. मनीष नलावडे आणि रोटेरियन हातखंबकर यांच्या पुढाकाराने झालेल्या या कार्यक्रमात ज्येष्ठ रोटेरियन धरमसी चौहान, माजी अध्यक्ष श्रीकांतजी भुर्के, रोटे. नीलेश मुळ्ये, रोटे. सचिन शिंदे, रोटे.राजेंद्र घाग, रोटे. स्वप्नील साळवी, रोटे. धीरज वेल्हाळ, रोटे. राजीव देवळे, रोटे. कल्पेश पटेल, रोटरी खजिनदार माधुरी कळंबटे, रोटे. नीता शिंदे, रोटे.वेदा मुकादम,रोटे.देवयानी वाघधरे, शाळेचे मुख्याध्यापक चव्हाण सर, माळी सर तसेच शिक्षकवृंद आणि ज्येष्ठ निवृत्त शिक्षिका आरती दामले आणि मधुरा बोंडाळे यादेखील अतिथी म्हणून उपस्थित होत्या.