MEGHA BLOCK : शनिवारी पश्चिम आणि रविवारी मध्य रेल्वेवर ब्लॉक

शनिवारी पश्चिम आणि रविवारी मध्य रेल्वेवर ब्लॉक

रेल्वे रूळ, सिग्नलिंग यंत्रणा आणि ओव्हरहेड उपकरणांच्या देखभालीचे काम करण्यासाठी पश्चिम रेल्वेवर शनिवारी रात्रकालीन आणि मध्य रेल्वेवर रविवारी दिवसकालीन ब्लॉक घेण्यात येईल.

मुंबई - रेल्वे रूळ, सिग्नलिंग यंत्रणा आणि ओव्हरहेड उपकरणांच्या देखभालीचे काम करण्यासाठी पश्चिम रेल्वेवर शनिवारी रात्रकालीन आणि मध्य रेल्वेवर रविवारी दिवसकालीन ब्लॉक घेण्यात येईल. पश्चिम रेल्वेवर रविवारी दिवसकालीन कोणताही ब्लॉक नसेल.

रेल्वेचे गणित

मध्य रेल्वे - मुख्य मार्ग

कुठे : ठाणे ते दिवा दरम्यान पाचव्या आणि सहाव्या मार्गावर

कधी : सकाळी १०.५० ते दुपारी ३.२० वाजेपर्यंत

परिणाम : सकाळी ९.४६ ची सीएसएमटी ते बदलापूर, सकाळी १०.२८ ची सीएसएमटी ते आसनगाव, सकाळी १०.२८, दुपारी ३.१७ ची कल्याण ते सीएसएमटी या जलद लोकल धीम्या मार्गावर वळविण्यात येणार आहेत. तसेच या लोकल नियोजित थांब्यासह कळवा, मुंब्रा, दिवा येथे थांबतील. सकाळी ९.५० वाजताची वसई रोड- दिवा मेमू कोपरपर्यंत चालवण्यात येईल. कोपर आणि दिवा स्थानकांदरम्यान लोकल रद्द करण्यात येणार आहेत. सकाळी ११.४५ वाजताची दिवा-वसई रोड मेमू कोपरवरून चालवण्यात येईल.दुपारी १२.५० वाजता वसई रोड-दिवा मेमू कोपरपर्यंत चालवण्यात येईल. दुपारी २.४५ वाजता दिवा-वसई रोड मेमू कोपरवरून चालवण्यात येईल. रत्नागिरी-दिवा जलद पॅसेंजर पनवेल येथए स्थगित करण्यात येईल.

लयभारी

हार्बर मार्ग

कुठे : कुर्ला ते वाशी दरम्यान अप आणि डाऊन मार्गावर

कधी : सकाळी ११.१० ते दुपारी ४.१० वाजेपर्यंत

परिणाम : ब्लॉक कालावधीत सीएसएमटी – पनवेल/बेलापूर अप आणि डाऊन लोकल रद्द करण्यात येणार आहेत. सीएसएमटी ते कुर्ला, पनवेल ते वाशीदरम्यान विशेष लोकल धावतील.

पश्चिम रेल्वे

कुठे : वसई रोड ते विरार दरम्यान अप आणि डाऊन धीम्या मार्गावर

कधी : शनिवारी मध्यरात्री १२.१५ ते पहाटे ४.१५ वाजेपर्यंत

परिणाम : ब्लॉक कालावधीत वसई रोड ते विरार स्थानकांदरम्यान सर्व धीम्या लोकल जलद मार्गावर चालवण्यात येतील. ब्लॉकदरम्यान काही लोकल रद्द करण्यात येणार आहेत. पश्चिम रेल्वेवर रविवारी दिवसकालीन कोणताही ब्लॉक नसेल. source - www.loksatta.com