मोगरे शाळेला शैक्षणिक साहित्य भेट

मायेची सावली एक हात कर्तव्याचा या संस्थेचा पुढाकार

- संदीप शेमणकर

मुंबई - शिवसेना उद्धव बाळासाहेब ठाकरेप्रणित मायेची सावली एक हात कर्तव्याचा या संस्थेच्या वतीने खासदार शिवसेना नेते अंनत गीते यांच्या वाढदिवसानिमित्त राजापूर तालुक्यातील आडिवरे परिसरातील मौजे मोगरे पूर्ण प्राथमिक मराठी शाळा मोगरे शाळेतील विद्यार्थ्यांना लागणाऱ्या वस्तू, वह्या, पेन्सिल, पेन, खोडरबर, फुटपट्टी, पाऊच, विद्यार्थ्यांना शाळेत बसण्यासाठी चटई इत्यादी वस्तूंचे वाटप करण्यात आले. 

खासदार शिवसेना नेते अनंत गीते तसेच रायगड जिल्हा संपर्कप्रमुख संजय कदम व महाड तालुका संपर्कप्रमुख नागेंद्र राठोड  यांच्या हस्ते देण्यात आले. यावेळी शिवसेना उद्धव बाळासाहेब ठाकरेप्रणित मायेची सावली एक हात कर्तव्याचा संस्थेचे संस्थापक अध्यक्ष यशवंत विठ्ठल खोपकर, सचिव संदीप चांदीवडे, संचालक दौलत बेल्हेकर, कार्यालय प्रमुख वसंत घडशी, मेघा सावंत, वनिता वायकर, राजेंद्र पेडणेकर, चंद्रकांत धोंडगे तसेच राजापूर तालुक्यातील आडिवरे परिसरातील पूर्व प्राथमिक मराठी शाळा मोगरेचे माजी विध्यार्थी सुनील साखरकर, विलास साखरकर, संजय जोशी, प्रकाश सातोपे यांच्याकडे हे साहित्य देण्यात आले. यावेळी मान्यवर शिवसैनिक मोठ्या संख्येने उपस्थित होते.

जाहिरात - अभिज्ञान अकदमी